Bouquet for Big Day - Miracle Flower Shop

吸收了pre-wedding花球的經驗後，我決定搵專業的florist做big day當日的花球。在forum和網上搵了很多資料，當中Miracle Flower Shop（以勒花園）有唔少好評。我上過佢地個website，有好多花球相，選擇很多，可以俾到我好多inspirations，啱晒我呢啲懶人。於是打電話問問有無多啲做花球的資料和price list，最好就係上去佢地office了解清楚啦!!

見我地嘅就係同我通電話嘅阿Yen，佢好nice，亦都好直，唔似一般做生意的那麼滑頭。我比較鍾意呢種style，有碗話碗、有碟話碟嘛，幾好呀!! 因應唔同嘅主花有3種唔同嘅package，我比較鍾意朱頂蘭，所以我join的話就要用價錢較高嘅package。我個人覺得價錢唔算貴，只要靚就可以了，哈!! 睇Miracle嘅website，見到佢地頭版有個告示，告知邊啲日子booking已滿，可想而知佢地都好受歡迎。雖然我唔見我big day嗰日on the list，但都問吓仲有無位。Yen話呢一刻未滿，但佢唔敢promise，因為試過有一次話完俾個客知佢個big day嗰日仲有期，轉頭就有幾pair人confirm同一日big day落order!! 嘩，好搶手呀.....

問完花球、手花後，再問問venue decoration。雖然我未諗係咪真係需要venue decoration，但既然一場來到，梗係順便問吓啦。阿Yen問我喺邊度擺，同埋睇吓個場嘅相。其實御苑皇宴個場都佈置得唔錯，只係木製的禮台比較「花」，但無地氈提供鋪在台上，我覺得無咁靚囉.... 睇完啲有限嘅相後，阿Yen俾我一個好直接嘅反應：除咗地氈之外，仲有啲咩要整呢? 哈，其實我未諗。可能要搵一次再上去認真睇睇，然後再諗諗係咪要佈置場地還是沿用御苑嘅佈置。

本來打算再睇吓其他florists先再作決定，但Miracle提供的選擇不少，同埋阿Yen給我可信賴的感覺，Mr. Ha都同意不作他想，一於交咗deposit搵Miracle做big day花球、手花、襟花同埋car decoration。

依家可以暫時喺呢方面停吓，得閒先再搵20幅心水花球相俾阿Yen，只要big day前兩星期交到功課就得嘞