Our Wedding Photo Album

在剛剛過去的星期一（16/8），收到The Stage的電話，告知我們可以到他們的office拿取我們的相簿和油畫相。

聽完電話後，我奇怪這麼快就可以有貨，不是又要一個月嗎? 事緣每次問他們的進度，所得的回覆總是「一個月」。問他們影好的相什麼時候給我們DVD? 答案：一個月。問他們執好的相要什麼時候可以看? 答案：一個月。再執的相要在什麼時候可以看? 答案又是「一個月」。什麼時候可以拿取相簿? 答案仍然是「一個月」。可能「一個月」是他們的口頭襌吧!! 相信這樣說比較穩陣，delay的機會比較低。

趁今天我和Mr. Ha都不用上班，當然最好就是利用這天上The Stage收貨啦!!

唉，真的太好了，終於拿到了我們的相簿和油畫相!! 我們這輯pre-wedding photos在今年1月18日拍的，還記得那天凍得我打冷震。因為工作忙碌，沒有時間打電話跟進拍好的相片，直至4月問The Stage攞DVD，才有人告知DVD已經一早ready（但無人話俾我知可以攞喎!!）。為了touch up，返來覆去用了3個月的時間。到了今天8月21日，我們終於可以收貨。歷時7個月的pre-wedding photos終於告一段落，真的「還得神落」!!!

Pre-Wedding Photos - Touch up by The Stage II

經過歷時3個月（因為懶惰hea了1個月），email來回了N次，我們的相簿和油畫相終於可以拿去做production了!!

因為我們可以拿回所有相，要在當中篩選40張用了不少時間，再加上要和Mr. Ha一邊看相一邊篩選的話，就只可以在星期六或日才有這麼多時間慢慢看。

之前跟The Stage提及執完的相中Mr. Ha的面色太青，經過無數次email和電話聯絡後，之後的版本已經好了很多。而幫我們執相的designer姐姐亦終於話俾我知，為什麼相中我們的面色是如此的白和青，她說根據以往經驗，在電腦畫面看到的色調和印刷出來的效果會有些分別。一般來說，印刷後的相簿和油畫相的顏色會較深一些，故此他們會將相片調光一些，那麼印出來時我們的面色不會太過深。真的不明白為什麼一開始時從來不提，如果早些講了，便不會email來回這麼多次啦!!

聽完之後才明白，所以我們都有聽她的意見confirm那些油畫相和相簿。不過designer姐姐都很好，明白我們的concern後，將油畫相再執了一共3個version給我們揀。今次第3個version的油畫相明顯好得多，其實距離big day尚餘一個多月的時間，所以一定要快些confirm。

確認design無問題，email通知designer姐姐可以拿去做final production，姐姐第一句回覆我："Great!!"。我何嘗不是這麼想，糾纏了3個月的pre-wedding photos終於可以埋尾了!

Pre-Wedding Photos - Touch up by The Stage I

5月時，The Stage打電話俾我，話我地揀咗個40張相嘅touch up已經做好。我當時諗：「咁快嘅?」，因為我5月3日通知佢地揀咗邊40張，佢地5月5日就打黎話touch up已經做好，隻DVD可以攞得。雖然40張相唔多，但做兩日就做完晒啲touch up就好似快咗啲喎

我地想快啲睇到啲相，同埋快啲話俾佢地知我地會揀邊10張相做油畫相，所以星期六上佢地office攞DVD。因為佢地話決定咗邊10張相後，要大約1個月時間做油畫相，於是我地嗰晚返屋企睇相同埋揀相。唔睇由之可，一睇就把幾火!!

點執相架??? 執完仲衰過唔執。Mr. Ha塊面俾佢地由肉色執到變青色，有啲相仲「執」塊面膚色唔均勻。我化咗妝都俾人執到面青，棚牙就超白，離遠睇張相首先會睇到棚白牙囉!! 幾勁呀!! 雖然我唔係好識用PhotoShop，但我知執相唔係咁執囉!! 我自己影證件相時，睇住人地幫我執相，人地係逐點逐部分執，唔係將塊面嘅contrast較光啲就叫執咗相囉!!!

我卒之做咗過powerpoint，將第一次攞嘅相同佢地嗰啲so called "retouched photos"做咗個對比。放喺powerpoint嘅相已經比較細張，有啲瑕疵無咁明顯嘅我無放落去，我只放啲連睇powepoint都覺得有問題嘅相，咁都有成10幾張。打電話俾佢地同埋email咗個powerpoint，第二日就有人打俾我，叫我將張DVD俾返佢地。

今日上到去佢地office，我再同佢地講，我email list嘅相只係一部分，唔代表無list嘅無問題。睇powerpoint file唔會睇到啲瑕疵咁清楚，我喺屋企用22吋mon睇每一張相，啲瑕疵就一覽無遺!!! 佢地啲電腦應該好過我家的，應該比我更加睇得清楚問題係邊囉!! 我估佢地叫我我俾返隻碟佢地，都應該覺得啲相執得好有問題啩?? 睇吓今次佢地執成點，我先再作打算啦!! 真係激死我!!!

Wedding Day Videographer - Brian Tam

搵完wedding day photographer之後，就要搵videographer。上網搵過唔少videographer嘅website，亦都睇過佢地放上網嘅sample。老實講，我都無咩idea，Mr. Ha喺呢方面好過我，都有講邊間較啱心水。其實我地早在11月已經開始搵videographer，不過hea吓hea吓，攪到之前攞嘅quotations已經outdated。又要再send email問過

最後，我地約咗Brian睇佢啲片。Brian同Lawrence係working partners，平時夾好多wedding day嘅job，都好有默契。其實有默契都好重要，如果個videographer企係台前正中掛住拍video，咁個photographer點影相呢!!?? 見面過程中，除了問Brian關於big day當日拍video嘅嘢之外，傾吓講吓，佢仲提我地wedding banquet當晚敬酒時要揀多啲歌，如果唔係好快重覆會悶親啲賓客!! 哈，其實我地未諗到呢樣嘢，佢真細心!!

Pre-wedding Photographer - Irene Chiu

睇其他wedding blogs，發現好多人好早之前已經影咗pre-wedding photos，仲有啲人會影好多輯。我同Mr. Ha都唔係好鍾意影相，所以唔會好似其他人咁熱衷影咁多輯。我只覺得：pre-wedding photos係一個回憶，影一輯已經夠了。

有啲人可能會搵同一個photographer影pre-wedding photos and wedding day photos，但Mr. Ha唔想兩輯相同一個風格，所以打算搵其他人影。網上有好多photographer嘅websites，Mr. Ha同我shortlist咗幾個：

Simon the photo

Irene Chiu

Johnnyproductions

Joseph Photo & Video

揀呢幾位photographers都各有不同原因：

1)          Simon the photo – Mr. Ha朋友big day搵佢影相，睇返啲相好靚

2)          Irene Chiu – 又係Mr. Ha朋友big day搵佢影相，嗰次Mr. Ha做伴郎，覺得Irene影得好用心

3)          Johnnyproductions – Recommended by Classical Tina

4)          Joseph Photo & Video – 喺婚紗展睇過啲相，覺得影出來的效果不錯

10、11月工作比較無咁忙，所以同Mr. Ha約見啲photographers，了解吓啲packages。見完晒之後，覺得各有不同。其中我地比較鍾意Irene啲相，喺睇相中途Mr. Ha同Irene傾開，話俾Irene知他的朋友 big day搵佢影相，而佢就做伴郎。Irene問咗Mr. Ha朋友個名後，好快就喺notebook retrieve返啲相俾Mr. Ha睇。Mr. Ha其實都未睇過啲相，所以喺一個初相識嘅人的notebook睇到自己有份嘅相覺得好得意。世事最奇妙就係：我居然喺Irene嘅相中見到四少!! 事緣四少朋友結婚搵Irene影相，而四少做兄弟，故被Irene攝入鏡頭。我又喺一個初相識嘅人的電腦見到自己屋企人，世界真細小，哈哈!! 亦可能因為呢份親切感，所以我地決定搵Irene

 

Wedding Day Photographer - Lawrence Tsang

認識Lawrence係由於我妹妹二小姐的介紹，因為工作的緣故，二小姐跟Lawrence曾經合作，她說Lawrence好出名，要搵佢影wedding day photos的話要早book! 睇得forum多，都知道搶手嘅photographer要做啲book，於是打電話make appointment。

Lawrence俾咗好多相簿我地睇。對於只識用傻瓜機的我來說，可以喺烏雲密佈的情況下都影到咁靚嘅相，very impressive! 我相信讚佢嘅說話，可以喺好多forums和wedding blogs搵到。最後，Mr. Ha同我都決定搵Lawrence做我地嘅wedding day photographer，不過都過咗一星期後先confirm，好在我地big day當日未有人mark咗個期。為免夜長夢多，都係乖乖交咗deposit hold住佢個期先