Our Wedding Cake

Big day至今已一個多月了，生活開始逐漸回復正常。不過，仍然有一點不習慣，因為之前每天放工後也就要忙籌備big day的事情，但現在放工後不用再忙了，總覺得有一點點的失落。現在才有點明白歌手們說演唱會完結後那種失落的感覺，哈哈!!

上星期六從Lawrence的同事手中拿了兩大本相簿和兩隻DVD。看到當日的相片，覺得時間過得很快。真的要重拾big day前的momentum，努力update我們的blog了!!

Big day當日除了切結婚蛋糕那一刻望過我們的wedding cake外，我之後也沒有機會細心留意。由於我已預算切蛋糕儀式完結後，它們便會送進親戚朋友的咀裏，所以當時特別問了Lawrence的助手有沒有幫我拍下蛋糕的照片

我曾在之前的篇幅提過，我們的結婚蛋糕頂層是一個3磅重的蛋糕，下面用兩款蛋白mini-cake（一款是圓形，另一款是心形）襯托。

初時，我有點擔心頂層蛋糕的顏色（白色+綠色唧花）會跟下層用火槍烘啡的蛋白mini-cake不太相襯。幸好，出來的效果也不錯。 

最緊要是大家都覺得這個結婚蛋糕很特別，不枉我和Mr. Ha用了幾個星期找尋我們的wedding cake!!

Big day之後的第二天，我和Mr. Ha便將cake stand還給Cake2。Sales姐姐點收了cake stand後，便問我們覺得蛋糕怎樣、賓客的反應如何等等。我告訴她們親戚朋友都讚蛋糕特別，不過味道甜了一些。相信其中一個是senior的人便搭腔，她說蛋白蛋糕無可避免一定會較甜些，因為要落多些糖才可令到蛋白「發得起」。雖然我不是精於煮東西，但也明白箇中的道理，不過還是覺得如果可以淡一些就更好。那senior還說我們是第一pair用蛋白mini-cake做wedding cake的新人。當初她從sales姐姐口中知道我們落order時，還覺得我們很有冒險精神呢，哈哈!!

Cake Stand

今日終於confirm好了wedding cake的cake stand!!

上次在Cake2訂蛋糕時，姐姐應承幫我問公司可不可以將我覺得啱心水嘅stand借給我用，無需要我買斷。過了兩個星期還未收到姐姐的電話，我當然忍不住打去問過究竟。姐姐話公司未有指示，所以暫時未有答覆。再過兩個星期，已經是7月初了，我再打電話去Cake2。今次聽電話的是另一位sales姐姐，跟她說了我已訂了蛋糕，但想知道cake stand的進展。姐姐幫我check過後，說他們有類似以下兩款用arcylic膠cake stand（一款方形、另一款是圓形）可以借給客人。

   

我個人比較喜歡方形的那款，stylish啲嘛!! 問過Mr. Ha的意見後，我第二天就打電話給sales姐姐confirm借用方形的cake stand。姐姐說，那個方形的cake stand很受歡迎，她要check會否有客人當天也借用。可惜的是，姐姐來電客人還回那個cake stand時，給他們發現那個stand給「整爛咗」，所以不能借用了，而且這款cake stand他們只有一個!!! 吓，這麼大的公司只有1個方形cake stand，沒有spare??!!

如果我要arcylic膠做的cake stand，我就只得一個選擇，就是剩下的圓形cake stand 跟Mr. Ha說好，過兩天後，我打電話跟姐姐說想借用那圓形cake stand，姐姐跟我說公司會有一個新的圓形cake stand，不過暫時未有相可給我看。我唯有耐心等候啦!! 期間也曾打過電話問有沒有相，姐姐說他們要等工場send給他們，不過可以幫我問問cake stand的尺寸（因為我擔心酒樓的蛋糕枱不夠大）。又等了兩星期，我終於收到Cake2的相，今次的相非常詳細，有cake stand每層的尺寸和可以擺放多少個cupcake / mini-cake

今次新的cake stand是方柱的，可是不像之前的那個方形這麼impressive，所以選擇哪一個圓形cake stand（方柱 / 圓柱）也有點心大心細。我跟Mr. Ha研究哪一個比較好，Mr. Ha認為方柱的比較好，因為將我們的mini-cake只會「圍邊」放在圓形的cake stand上，如果我們用圓柱那款的話，就會令每一層（尤其最底的幾層）有頗多空位。其實，我也有同樣考慮。最後，我們當然決定要方柱的cake stand啦!! 打電話給姐姐confirm後，吃完午飯立刻去銀行過數交$2,000按金。今天，姐姐打電話來confirm收到了deposit。真好，又攪掂一樣了!!  不過，真的想不到confirm一個cake stand用了兩個月時間 

還未confirm用哪一款cake stand之前，我上網看看有沒有其他arcylic膠做的cake stand。看了這麼多，大部分的不是方形，便是圓形，分別是中間的柱的形狀和放置方法有所不同。不過，我也在網上看到有六角形和心形的cake stand，可惜的是沒有零售。

  

 

  

哈，最後給我找到一個類似我將會借用的那款，最吸引我的是那個top cake：

那是在美國的一間渡假酒店，叫Langdon Hall:

Wedding Cake IX - Order Confirmation at Cake2

今日去完wedding expo，我、Mr. Ha同埋米米跟住去Cake2落order。

上次去完Cake2後，我地將幾款mini cake嘅相俾三位話事人睇。哈哈，佢地不約而同都覺得蛋白mini cake靚，完全唔覺得啲mini cake用火槍烘啡咗啲邊唔好睇，反而仲覺得好特別添!! 真好，我初初都因為sales姐姐話老人家未必鍾意蛋糕有啲「黑麻麻」的一番話擔心，依家唔使擔心啦!!!

去到Cake2，我地又搵返之前serve我地嘅sales姐姐，confirm我地要蛋白mini cake。佢反而有啲出奇我地三位話事人無問題喎 我地暫定要60個mini cake，每款mini cake各要30個，米米好鍾意其中一款，所以另要多6個送俾朋友。決定咗數量後，我地就要confirm蛋糕味道。上次試味時，我地已經諗好mini cake嘅味道分別係：咖啡味海綿蛋糕+朱古力軟心脆脆 & 綠茶海綿蛋糕+栗子蓉。到決定最頂一層蛋糕的味道時，我地都有諗究竟要邊一隻味好。我自己幾鍾意咖啡味海綿蛋糕+朱古力軟心脆脆，但Mr. Ha就想要另一隻唔同嘅味道。可能佢又鍾意食黑森林蛋糕，所以最後佢決定要黑森林蛋糕做頂層蛋糕嘅味道嘞!! 因為米米未試過Cake2嘅蛋糕味道，我就同sales姐姐即刻買一件蛋糕俾米米試食。既然米米鍾意飲咖啡，我就幫佢揀咗一件Tiramisu。食之前梗係要幫件蛋糕影番張相啦~~

我自己都有試幾啖Tiramisu，覺得海綿蛋糕好食啲。不過，件Tiramisu個樣都好靚 一邊食蛋糕，我地就跟住決定埋頂層蛋糕要咩樣。睇咗好多相，終於我地決定咗款式，成個蛋糕會係白色，係一個蛋糕面上鋪滿玫瑰花嘅款式，玫瑰花下面嘅葉會唧淺綠色嘅cream，同埋蛋糕餅身會有啲點點花裝飾。我地prefer整個蛋糕清啲，唔會有太多顏色。

決定晒蛋糕嘅嘢之後，我地就同sales姐姐商量個mini cake stand。我覺得Cake2租俾我地放60個mini cake嘅stand唔靚，反而另一個要買斷就好得多。其實我鍾意另一個全透明，用arcylic膠做嘅mini cake stand仲靚，不過無放60個mini cake嘅款，佢地有嘅起碼放100個。我依家仲心大心細，淨係得呢一樣未有決定。Sales姐姐都話俾我聽，佢有同公司反映可唔可以租，唔使買斷，睇吓遲啲會唔會有好消息啦!!

Wedding Cake VIII - Tasting at Cake2

今日非常充實，上晝同Mr. Ha、二小姐同埋四少打羽毛波，食完個早餐就先hea一陣，等到差不多1點就出發去Cake2試食蛋糕

好在之前睇咗Mrs Chik Chik個blog，知道可以試食6種口味嘅蛋糕，所以吃早餐時都唔敢食太多。去到Cake2，之前招呼我地嘅sales姐姐正招呼緊客人，所以我地先四周睇睇。當去到一個放介子枕和其他accessories嘅櫃時，無意中見到有一個「試餅六部曲」嘅牌。哈，好得意，好似試好酒咁 原來個牌有寫到試味安排，不過我上次睇唔到，好在sales姐姐主動話俾我知啫!!

登登登凳，主角出場嘞!! 我地就係要試呢幾款蛋糕，每個都有1吋 x 1吋大。由於蛋糕剛從雪櫃攞出來，所以sales姐姐叫我地等一陣先食。趁呢段時間，我地都問咗啲mini cake嘅問題，因為我同Mr. Ha都有共識，到時會用mini cakes。當然啦，最頂一層就會用返一個7吋cream cake，等我地有得切餅嘛!!

講咗一陣，都過咗啲時間，我地可以開始食蛋糕。sales姐姐叫我地先試右下邊嘅清蛋糕+生果，食第1件已經覺得好味 跟住再食綠茶味+栗子蓉，然後綠茶味+紅豆粒，之後黑森林+啫喱，再之後朱古力+朱古力軟心脆脆，最後就係咖啡+朱古力軟心脆脆。

6件蛋糕都好好味!! 由於我地要mini cake，sales姐姐話我地只可以揀栗子蓉or朱古力軟心脆脆；但最上層的蛋糕就可以揀以上任何一隻味。我地只打算邀請最close嘅親戚朋友觀禮睇證婚，所以暫定60個mini cake。因為每30個mini cake就可揀一隻味，連埋最高嗰層蛋糕，我地就可以揀3隻味嘞!! 最後，我同Mr. Ha揀咗綠茶+栗子蓉 & 咖啡+朱古力軟心脆脆做mini cake嘅味道；而我地最高嗰層就要清蛋糕+生果。諗完味道，跟住就諗mini cake和最高嗰層嘅款或。我自己好鍾意用蛋白做嘅mini cake（喺蛋白位置用火槍烘啡），好靚同埋好特別!! 不過，有啲擔心老人家唔鍾意呢隻款，所以sales姐姐會俾啲相我參考同埋問話事人意見。

喺Cake2又消磨咗兩個鐘，sales姐姐好健談，整個過程好開心，佢都有俾咗我地好多意見。等我地confirm埋款式就可以落單了!!

Wedding Cake VII - Teresa Festival

「蛋糕之旅」的最後一站係Teresa Festival.

去到舖頭門口，才知道它是一直以來午飯過後路過的蛋糕店。店內放了一些枱椅，供人客舒服地吃蛋糕。看完蛋糕櫃一遍後，便向sales姐姐查詢有關結婚蛋糕的資料。Teresa Festival的蛋糕全都是buttercream cake，並無新興的fondant cake和cupcake；但有不同味道選擇。細問之下，如果要做幾層蛋糕的話，每層蛋糕的直徑最好相差4吋（特定款式則例外）；否則的話，蛋糕會看起來比較「企」，無咁靚。問有什麼蛋糕款式時，sales姐姐話所有蛋糕都可做成結婚蛋糕（除咗多幾層外，咁咪同生日蛋糕無分別!?）我想要特別啲囉，我唔想我的結婚蛋糕係一個有幾層的生日蛋糕........

雖然如此，今次參觀都有意外發現。見到蛋糕櫃有一個lychee mousse cake，可能我少見多怪，好少有荔枝蛋糕喎!!Mr. Ha鍾意食荔枝，呢個蛋糕啱晒佢!!! 呢個蛋糕係7吋蛋糕，如果要5吋的話就要早2日落order。我已跟Mr. Ha講好就算唔喺呢度訂結婚蛋糕，我地可以下次買lychee mousse cake食

其實走馬看花去了幾間cake shop後，我同Mr. Ha已經有idea知道要一個點樣嘅wedding cake。待Cake2試食完後，應該可以做決定了。真好，月尾又可以攪掂一件事了

Wedding Cake VI - Complete Deelite

去完Eva Liu後，我地就去附近嘅Complete Deelite嘞!!

間舖喺蘭桂芳，是一間樓上舖。舖內主要售賣party用品及做蛋糕的用品/用具，還有cake stand, cake board, cake box等等，種類非常多。對我呢個整蛋糕的layman來說，真的大開眼界!! 原來fondant係vanilla味，有好多種顏色，令我諗起細個玩泥膠，哈哈!!

店內有一個角落就擺放了幾個蛋糕model，亦有cupcake和cookies賣。參觀店舖之時，我估屬於菲律賓籍的店員嬸嬸正忙於招呼一位外國客人。那位外國男士訂了一個蛋糕給太太，希望給她一個意外驚喜!! 遊了幾圈，又有一位女士來取蛋糕，所以我們沒有問問題便走了。就算不在此訂蛋糕，我覺得在這裡買關於蛋糕的用品也很好。

Wedding Cake V - Eva Liu Confectionery Artistry

今日是第2天的「蛋糕之旅」，目標係去3間cake shop。第1間就係Eva Liu Confectionery Artistry。因為Eva Liu係喺White Bridal Couture見客，所以要事先make appointment。早幾日打電話約appointment，我地今日下晝見面。

本來都唔知有Eva Liu，但有一日天去ESDLife網頁，見到有關於佢的介紹，於是上去佢個網頁睇睇。嘩!! 佢啲蛋糕好靚，我特別鍾意其中一個黑白色造型嘅蛋糕，好grand!!

準時去到White Bridal Couture，Eva好nice，帶我地上二樓先睇蛋糕models（當中有另一個黑白colour tone的結婚蛋糕，Eva話呢個蛋糕係新design），先俾我地有concept佢嘅蛋糕有幾大及幾高。跟Cake2不同，Eva嘅蛋糕全部都係fondant cake，而內裡係sponge cake，可以有不同味道選擇。Eva真係好有artistic sense，佢會將一個蛋糕整到好靚，好似一件藝術品，裝飾蛋糕嘅花唔係鮮花（因為衛生問題，佢唔會用真花），而係佢親手逐個造的糖花，每個糖花都好精細，簡直好似真嘅一樣!! 睇得出佢係一個好有要求嘅藝術家，好有心機做蛋糕

跟住睇佢本catalogue，每個蛋糕都好靚，不過一分錢一分貨，價錢相對較貴。除咗wedding cake，Eva亦有做mini cakes。佢嘅mini cakes亦好精緻，如果我係guest的話，一定唔捨得即刻食，哈哈!! 之後都有問一啲關於logistic嘅問題：有無cake stand租? Delivery包唔包setup? 答案係：cake stand無得租，不過可以代買。Delivery包set up mini cake（Cake2唔包set up，只包set up mini cake stand，擺mini cake要自己搵兄弟姐妹幫手），Eva話佢會自己跟埋去，如果運送途中令蛋糕有defects，佢可以即時執埋。好細心!!

因為Eva做蛋糕要花時間，特別係有糖花嘅（差不多1星期），所以佢都提我地要2個月前落order。臨走前Eva派了一張咭片俾我地，上面有兩個佢設計嘅蛋糕，啲糖花真係好精細，唔講仲以為係真呢!!

 

Wedding Cake IV - Cake2

拎住Mimosa嘅蛋糕，走去附近嘅Cake2。今次去Cake2，從店外望入面無客，又唔見sales姐姐，以為佢地公眾假期休息。心想無理由吖，星期日佢地都開，無理由公眾假期休息嘛!! 試吓推門，門無鎖喎，咁就展開我同Mr. Ha嘅wedding cake day第2站嘞

入到去就有sales姐姐出黎招呼我地，俾相我地睇。其實之前去過一次睇相，又睇過display wedding cake，對佢地都有啲印象。所以今次問咗好多問題，例如：fondant cake嘅icing cover會唔會好厚?? 會唔會好甜?? 切起來會唔會好易碎晒?? 幾時delivery?? delivery包唔包setup?? 邊款蛋糕係fondant cake or cream cake?? ......問了一大堆問題，其實都好矛盾，因為fondant cake造型可以有好大flexibility，但icing cover未必人人鍾意（特別老人家），牛油蛋糕無咁鬆軟；相反cream cake因為係sponge cake，所以比較鬆軟，唔鍾意cream cover可以撥開唔食，但係造型無咁多變化.....唉，都幾難決定，不過可能比較prefer cream cake。可能sales姐姐見我好兩難啩，所以再介紹cupcake同mini-cake。個人唔鍾意wedding用cupcake，因為唔夠formal，又好似有pat cream嘅「媽寶蛋糕」咁，睇相嘅造型唔多吸引，所以唔打算用cupcake。到sales姐姐介紹mini-cake時，我開始搵到我想要嘅嘢

佢地嘅mini-cake係用cream cake底，造型好精緻，好似一個細細個嘅wedding cake，好靚!! 心中都開始有啲決定，但唔知佢地啲蛋糕味道如何，無理由個蛋糕淨係得個樣靚，但係唔好食架嘛!! 可能sales姐姐見我唔係混吉，所以話俾我聽逢星期日都有試食，不過要預約。我梗係有興趣啦，喇喇聲請佢幫我預約，o黎緊月尾有得試，好期待!!!

喺Cake2磨咗差不多1個鐘，要問嘅嘢大致上都問咗，都係時候走。Mimosa嘅napoleon同埋orange almond cake等我返去食呀，哈哈!! 回程時問Mr. Ha意見，佢都同意mini-cake係一個唔錯嘅idea，仲居然諗到一樣我無諗過嘅問題：我地喺5點幾證婚，之後切蛋糕，waiter要時間分餅，咁咪要啲賓客等囉!! 分餅可能有大有細，可能呢個又話我個「舊」細啲、切件餅切得唔靚....Mini-cake就可以免除呢啲麻煩嘞!! 又係喎，不得不佩服佢嘅細心，哈哈!!

Wedding Cake III - Mimosa Cake Shop

3月時曾經去過Cake2渾吉，當時對wedding cake的認知唔多，又未知自己確實嘅要求，所以都只係入去睇吓display同埋佢地啲相簿。不過，上完其他wedding blogs，特別係Mrs Cocoa Bean嗰個之後，開始有啲開竅，初步知道自己想要啲咩嘢

今日鎖定目標要去Cake2及Mimosa Cake Shop，皆因兩間鋪都在附近。因為之前曾去過Cake2探路，所以今次先去Mimosa Cake Shop。因為Mimosao無網頁，只有網友口碑，想睇蛋糕相或試味就一定要去一趟。其實Mimosa對好多愛吃napoleon cake的人來說，一點也不陌生，OpenRice都有好多篇幅介紹他們的糕餅。對呢間cake shop有興趣，完全源自於knotters的網頁，因為右脾想要自己心儀的topper form，行遍好多cake shop，只有Mimosa的師傅肯接order。既然佢地啲餅咁出名，師傅又肯做tailor-made topper form，當然要去呢間cake shop看過究竟啦!!

Mimosa位於商場入面，並非一般向街地鋪。去到Mimosa之時，只有兩個人取餅，napoleon餅架上完全無餅，心想：難道已經賣完了?? 雖然如此，即管問問仲有無napoleon啦，個cool cool地嘅掌櫃女士就話：得芒果咋喎（註：Mimosa嘅napoleon cake有兩隻味：mango & strawberry）咁即係有啦!!! YEAH!! 二話不說即刻要了半打話剛說完，擰轉頭望出門口，突然多了5、6個人買餅，嚇了一跳!! 真係買得快好世界，因為等下一轉出餅要1、2個鐘呀!!

睇其他wedding blog，知道Mimosa的wedding cake只有orange almond一種味道，所以又要多一件orange almond cake試味返到屋企即刻拿出來食，掛住食唔記得影相

Napoleon cake酥皮好香好脆，點知orange almond仲正!!! Wedding cake用orange almond呢隻味都唔錯!! 可惜Mimosa鋪不大，又多人，今次未能夠問wedding cake嘅資料。唯有去埋其他cake shop，再shortlist後，先再問啦!

Wedding Cake II - Phoebe's Designer Bakery

最近ESDLife網頁介紹Phoebe's Designer Bakery，見到啲wedding cake好靚。上到佢地嘅網頁，見到多啲唔同嘅款式，打算去佢地間鋪參觀啦!!

 剛巧今天路過附近，打算去睇睇，鋪頭地點比較「吊腳」。可能鋪位不是很大，所以並無很多款式display出來，於是問sales姐姐有無其他款式的相片睇吓啦!! 答案係：呢度無相睇，所有款式嘅相已經post咗喺網頁（即係你返屋企上網睇啦!!??），聽完都有啲O咀!! 唔係去鋪睇，會睇到多啲嘅咩???

既然一場o黎到，當然都趁機問吓啱心水的兩款蛋糕嘅價錢（如網友所言，都真係唔平）、送貨問題......等等。sales姐姐話：如果早啲make appointment的話，可以試食蛋糕，不過等我再搜集多啲資料先試啦!!

Wedding Cake I - Shortlisted Cake Shops

籌備結婚之初，已經唔想有一個普通嘅蛋糕做wedding cake。坊間擺酒地方送的不是像一個生日蛋糕，就是一個只供影相好假嘅結婚蛋糕，無咩特色可言

想自己個蛋糕特別啲，咁就上去多啲forum及其他blog睇吓有無網友介紹啦!!我發現有關呢方面嘅資料真係唔算太多，上個星期無意中俾我發現Mrs Cocoa Bean嘅blog，單係介紹wedding cake已經有6個post，資料和相都好多，一個字 -- 正!! 睇完Mrs Cocoa Bean嘅blog，我更加覺得應該要有自己嘅wedding cake，因為酒樓提供俾我嘅結婚蛋糕太似生日蛋糕呀!!!

睇咗好多wedding blog, forum同埋cake shop嘅網頁後，最後shortlist咗以下幾間：

Cake2 (http://www.cake2.com/)

Phoebe's Designer Bakery (http://www.phoebes.com.hk/)

Wedding Cakes by Eva Liu (http://www.eva-liu.com/)

Teresa Festival (http://www.teresafestival.com)

Mimosa Cake Shop

Complete Deelite (http://completedeelite.com/v2/index.php)

除咗shortlist外，我仲搵啲自己啱心水嘅wedding cake相，做定功課，以便下星期開始我的「蛋糕之旅」!!