Bouquet for Pre-wedding Photos

一向對花花草草都有啲興趣，尤其鍾意去花墟睇花，齋睇唔買都好開心。遇到靚花或當日心情好的話，都會買回家點綴吓屋企。

由於真花實在太靚了，所以無打算用絲花花球。去金都睇過，雖然現在啲絲花花球好像真，但仍然都不是my cup of tea。影pre-wedding photos無理由兩手空空，梗係要有花先好睇啦!! 於是便走去花墟逛逛做功課時，逛了幾間後就決定搵興發做花球，因為佢地賣的花好多都是荷蘭花，仲有我鍾意嘅朱頂蘭，好靚呀!!!。佢地對花嘅認識當然不容置疑，但要我俾好詳細嘅specifications，這對仍在烚吓烚吓階段的我來說就有點難度（我只知我想要的colour tone係綠色和白色咋!!）。幸好啲staff都好nice，會俾啲專業意見，例如：呢隻花唔夠水好易耷架喎，不如咁咁咁啦...... 最後，我揀了白色朱頂蘭做主花、綠繡球做襯花。其餘的襯花就交由專業人士揸主意，只要乎合我「好睇」和「靚」的要求便可。哈哈，咁嘅要求真係虛無.......