Font Finding II

近日上網搵font file，睇了N個website和幾千種字體，攪到原本對呢方面毫無認識嘅我都開始有少少認識。

6月尾時上MyFonts搵適合做backdrop嘅font type，睇咗3,000幾種，最後俾我地揀咗50款再篩選。為咗容易比較，我將我地揀咗嘅50種字體，打咗我地個名，然後將啲image放喺一個word file。因為Word並無當中大部份嘅字體，所以我搵咗唔少可以download free font嘅網頁：

Eagle Fonts (http://www.eaglefonts.com)（專門提供TrueType format）

Fontslog (http://www.fontslog.com)（專門提供OpenType format）

WindowsFont (http://www.windowsfont.com)

Fontstock (http://www.fontstock.net/)

DaFont (http://dafont.com/)

我喺Eagle Fonts和Fontslog download了唔少字體，不過最啱心水嘅3款字體卻找不到free download。無意中用Google搵到一個台灣網頁（http://www.freegroup.org/category/featured-articles/free-font/），非常詳盡地介紹好多免費download字體嘅website。如果唔係好似我咁奄尖的話，我相信應該可以喺當中搵到唔使錢又啱心水嘅字款。

睇咗好多website，我後來發現原來字體分free font和commercial font。顧名思義，download free font就唔使錢；但download commercial font就要收錢，有啲font都唔平 我仲發現有啲free font website如果無你想要嘅字款，而嗰隻字款係commercial font的話，就會forward咗個webpage去啲有連結嘅commercial font webpage。初時我都無為意，以為係一啲marketing技倆，呃你話free download，以求氹你去佢地個website睇吓。後來先知道，有啲commercial font website（例如：MyFonts、Fonts.com）有affiliate programme，只要將自己個free font webpage連結去commercial font website，而有人透過佢地嘅forward去咗commercial font site買font的話，free font website就可以分佣。因為我想搵嘅font係commercial font，怪不得成日俾人forward咗去Fonts.com或者MyFonts喇