尋日同伴娘去了銅鑼灣兩間訂造鞋的鞋舖，希望可以快啲攪掂big day當日的wedding shoes。之前跟兩位姊妹傾rundown時，佢地都一致認為無須為big day當日造太多對鞋，1-2對已經夠了，當然最好就係平日還可以着得返啦!!
我地先去Sogo對面嘅金百利商場，因為我曾經喺其中一間鞋舖訂造過幾對鞋，可惜今次無啱心水嘅款式。我地之後就去咗DYOS。幸好我地去到的時候，舖頭裡面沒有人，我地可以慢慢睇。睇咗一陣之後，有位sales姐姐招呼我地（可能見我地唔似混吉啩?）。
姐姐先問我有咩心水款式，然後問襯咩衫，想要咩色等等。逐點撃破後，佢就攞咗幾款俾我揀，我自己亦喺鞋架攞咗呢兩對：
我幾鍾意閃石，因為令到對鞋靚好多。不過，平日着的話就會誇張啲囉
姐姐都好好心機，幫我攞咗好幾對同款但唔同size嘅鞋俾我試，讓我揀到最合適嘅款和size。哈哈，咁樣又消磨咗1個多小時!!
本來已經諗住揀「Sherry」，但我想Mr. Ha睇吓，所以同姐姐講今日再黎睇，然後才做最後決定。
今日同Mr. Ha再上去睇，先試咗我心儀嘅款式，亦試埋姐姐介紹話好多人揀嘅款式。Mr. Ha都好中肯，佢話條裙長的話，會遮住睇唔到啲閃石，除咗我自己之外應該無人會知對鞋有石
另外，佢印象中我啲evening gowns好似唔係全部「掂」地，如果着有platform嘅鞋的話，條裙會顯得短咗
姐姐都認同Mr. Ha第二點，我都明嘅，咁唯有揀另一款啦!! 再睇返姐姐之前介紹話多人揀的鞋款，其中一款都唔錯，着落都舒服，同埋對鞋可以着返工都無問題。我最後揀的鞋款應該係無platform嘅「Spain」
因為我訂的是order made，所以1個月後就可以攞鞋；如果係custom made的話就要多1個星期。買完鞋後，我落咗去樓下1樓睇，見到一對鞋好靚，着咗之後對腳好slim，真係好鍾意!!!
不過，都係要忍忍手，因為屋企已經有好多對鞋了........
No comments:
Post a Comment