尋日終於第2次fitting。時間過得真係快，2月時1st fitting，轉眼就已經係6月了。除咗我之外，今次仲要米米同埋伴娘confirm埋揀咩衫，Mr. Ha亦要試試佢嗰件禮服。因為三小姐比較有artistic和fashion sense，我都想佢俾啲意見，所以今次一行5人去Janny嘅workshop。
由於我約了8點鐘去Janny處試衫，所以可以唔使請假。雖然我地一行只有5人，但係都分別來自香港、九龍和新界東。西鐵開通之後，去新界西真係方便得多，大家都可以只搭地鐵，就去到我地認為「山卡啦」嘅元朗。否則要5個人各自去元朗的話，一定好大機會遲到。
可能大家都知道要「遠赴」元朗，所以出奇地準時到，加上我預多了時間，大家7點半已經到達Janny嘅workshop。到達之時，Janny正在serve另一pair新人。一般而言，Janny都會預留兩個鐘俾每pair新人fitting。不過，我之前一pair新人除咗自己要試衫外，仲有伴娘、奶奶、媽咪和好幾位親戚都要試衫，所以我地要等到8:30才可以fitting。我到達之時，見到門口有10對鞋，都估到樓上有唔少人
因為上一pair試衫overrun，Janny同Iris好趕，趁上一pair新人走時匆匆食咗少少嘢，然後就為我地fitting。開始fitting時，先試婚紗，然後才試晚裝。雖然係2nd fitting，Janny除咗俾我試番上次揀咗嘅「300粒奧斯卡水晶」婚紗，仲叫我試咗4件婚紗，其中有啲係新做好嘅。奈何我太鍾意300粒水晶，所以試新衫未有動搖我嘅決定
跟住就試晚裝，雖然我自己唔多鍾意紅色，但大家認為big day當日我無理由唔着紅色，所以都估且一試。Janny覺得我應該着紅色evening gown，佢見我有啲擔心，叫我除咗試番1st fitting 揀嗰件之外，仲安排我另外試咗3、4件紅色EG。試完之後，我同Janny要求試吓其他顏色講，佢安排我試咗一件紫色EG配黑水晶和一件天藍色deep V嘅EG。我覺得第1件唔多啱自己心水，而伴娘則覺得第2件唔係我嘅style，所以呢兩件都俾我地out咗。為免俾紅色EG影響我試衫嘅進度，Janny叫我試吓上次揀咗嘅「快樂的珊瑚魚」系列。佢話有位新人拎咗我揀嘅第3版去法國影pre-wedding（ 租Janny嘅衫影相 + 遠卦法蘭西影pre-wedding，連Janny自己都話呢pair新人好落本!!），所以今次安排我試第4版。未試之前，我已經覺得條EG嘅pattern好靚。由於呢條裙係娃娃裙款，所以無咁貼腰。我同米米都比較鍾意貼腰款式，Janny靈機一觸就叫Iris將第2版嘅腰帶幫我綁上，效果真的即時不同!!! 勁呀!!! 真開心，大家都一致贊成揀呢件
至於紅色EG，Janny將我試過嘅都掛埋一齊，俾我地再作比較。我都再試多一次上次confirm嘅那一件「火紅色奧斯卡雙行水晶」。相比其他幾件，我覺得呢件俾我嘅感覺最好，最後都confirm要返呢件。我無數過自己試咗幾多件衫，但數目一定有10件以上，咁樣就用咗兩個鐘，時間已經係10:30p.m.!!!
跟住安排米米試衫，Janny攞返上次米米見過嘅3件EG出黎。米米試咗一件棗紅色同埋一件銀色，最後佢揀咗銀色嗰件。我覺得幾好睇，好閃添!! 至於Mr. Ha試衫就簡單得多，佢主要係揀着銀色抑或米色嘅背心。着完成套禮服後，佢先試米色背心，然後再試銀色。可能佢嘅膚色略為深色，所以大家（包括Mr. Ha自己）一致認為米色背心較好。最後，就係伴娘試衫。Janny先問我想伴娘條裙白天還是夜晚着，我位伴娘唔係姿整之人，所以就即刻答：「最好1件啦，唔使換來換去嘛!!」我無咩所謂呀，於是Janny就幫我位伴娘揀咗件銀色嘅伴娘裙。其實，我試衫時已經覺得呢條裙好靚!! 哈，我自己都好想着!!!
各人試衫不經不覺就過咗3個鐘，11點半喇!!! 最後，我地一共租咗8套衫。俾埋媽咪、奶奶租衫嘅錢，問埋Janny有關租accessories和big day當晚回收EG嘅細節，轉眼就已經12點了!!! 好肚餓呀!!! 攪掂呢樣嘢，大家終於可以食飯了!! 好在可以搭到尾班車返出九龍
到碌上床瞓覺已經係半夜3點，真係成個人散晒!!
No comments:
Post a Comment