Preparation for Expo

4月初時，我地已經喺中旅社嘅網買世博嘅入場劵。我地諗住去足3日睇世博，當然買3日票最化算。睇新聞報導，知道世博入場券已經賣出9成。上到中旅社個website，見到得返1日票，買之前都問過中旅社，話3日票已經沒有了，於是就買了6張1日票。

後來Mr. Ha聽同事講，中旅社又有3日票賣，激死我!!!

世博剛開始時，還未有網有的旅遊blog，所以又買了兩本關於世博嘅書看看有咩館值得一看。Mr. Ha的同事剛由上海回來，借給我們地圖一份，真好

下個星期四就會出發去上海睇世博，間中會上網睇吓其他網友的遊記，以便計劃一下自己的行程。我唔打算浪費寶貴嘅時間去排中國館、沙特館，反而想去食好嘢，同埋去啲特別嘅館。我已經諗住去瑞士館瑞品餐廳、法國館6 sense、德國館餐廳 & 意大利餐廳食好嘢!!! 本來打算去挪威館，不過Mr. Ha聽同事講，話佢去個陣那挪威館餐廳賣晒三文魚，所以無得食。而且，睇Katie's Blog，網主話挪威館餐廳又細又唔抵食，所以可能有機會唔去，睇吓到時點啦!!

其實，我同Mr. Ha都覺得浦西嘅展館都好好睇，所以我地可能會喺浦西同埋歐洲展館區留多啲時間。不過，我都希望可以去到日本館、南韓館、北韓館（買郵票俾四少）。就算去唔到啲熱門展館，但睇佢地嘅建築外形，都覺得今次應該有啲收穫。我會叫Mr. Ha帶多啲memory card，到時可以大影特影!!