哈哈哈!!! 一隻活在38樓的蝦: 39000呎上的生日蛋糕

因為今年Mr. Ha嘅生日正日會喺上海過，所以好早之前已經諗點樣張羅個生日蛋糕。曾經send過email去酒店，問吓可唔可以安排一個細細的生日蛋糕。佢地又無喺website寫低email address，只可以喺留言版留言。最得意係英文website先有留言版，中文website就無。可能我個message用英文寫啩，5月中時寫，到6月臨出發前都無人覆我。個webpage又話第二個business day會覆，但成個月一粒字都無俾我!!! 我住嘅酒店話晒都叫五星喇，商務酒店黎喎，都唔知點解會咁。

咁算喇，唯有諗吓KA可唔可以幫我訂個小小的生日蛋糕俾Mr. Ha啦!! 我都知搵airline做嘢一定要有time allowance，所以早3日前打去問。KA話可以代訂生日蛋糕，不過只可以訂1磅，同埋個蛋糕只會係白雪雪，唔會有Happy Birthday字樣之類嘅裝飾，收費$200。因為個蛋糕白雪雪咩都無，聽完已經唔多想訂。問吓Customer Service位姐姐個蛋糕係咩味，佢答話係雲呢拿味。已經收得唔平啦，只得一隻味，仲要唔啱心水添。姐姐話，如果要落order就要快，因為要3日前confirm order，佢仲話6點截單，所以要訂蛋糕的話就要6點前覆。考慮多個因素後，我都係決定喺機場禁區嘅coffee shop或者cake shop買件細細件嘅蛋糕同Mr. Ha喺飛機上食。

原本打算俾Mr. Ha一個surprise，所以唔打算話俾佢知我會訂個生日蛋糕。不過，我都係忍唔住話咗俾佢知。哈哈哈，我已經好叻咁忍到喺機場先講

入咗禁區周圍搵coffee shop & cake shop，發覺只係得Cafe Deco（峰景餐廳）有啲像樣嘅蛋糕。Mr. Ha比較鍾意食黑森林蛋糕，加上我地登機個閘口比較遠，所以入咗禁區之後好快就買咗一件。出發嗰日下晝收到KA嘅SMS，話班機會延期1個多鐘頭，要到22:15先出發。點知我地喺禁區等到差不多11點先有得上機，地勤姐姐話因為由上海飛返黎香港班機delay咗喎好在禁區啲冷氣唔弱，個蛋糕才可以唔會出水