Janny嘅office喺元朗牛潭尾。我好少去元朗，每次去新界咁北嘅地方，我就有去旅行嘅感覺
唔識路，當然最好就係喺元朗西鐵站轉的士。去到Janny嘅design house，差不多7:30 p.m.，Janny嘅assistant - Iris帶我地上去樓上。以為自己好準時，點知去到見到已經有10幾人坐咗喺度。Iris首先每pair人派咗1張price list，上面有唔同package嘅價錢同埋包啲咩嘢。原來呢張price list除咗俾我地知道價錢外，仲有一個特別嘅用途........... Janny仲提我地要將自己覺得啱心水嘅婚紗和晚裝嘅名寫低，以便fitting時知道我地想試邊件衫。
Presentation準時開始，Janny同Iris先攞啲婚紗俾大家睇。為咗令所有人都睇得清楚，佢地會巡晒一個圈，又俾我地拎上手睇吓啲detail。Janny嘅婚紗都有好多唔同嘅款式，不過有一個共通點，就係：佢好鍾意用水晶，少則幾十粒，多則幾百粒，睇到大家嘩嘩聲!!! 又真係幾閃嘅，唔怪得之佢叫帶黑超啦!!
我一邊睇一邊寫低自己鍾意嘅款，真係寫咗好多!! 
睇完婚紗後，就show晚裝，都好靚，睇到大家情緒高漲，哈哈!! 睇完晚裝，Janny又show水晶褂、伴娘裙同媽咪/奶奶衫。老實講，佢啲伴娘裙、媽咪/奶奶衫都好靚。我做伴娘着佢啲裙都會好開心!! 不過，佢嘅媽咪/奶奶衫裙全部係西式，如要搵中式的話就要向外求。最後，當然就係新郎禮服啦!! Janny嘅新郎禮服唔花巧，啱晒Mr. Ha嘅要求。
睇完之後，大家已經熱咗身，Janny就開始問答環節嘞!! 首先，佢問大家邊個有帶黑照黎睇presentation，有的話就可以有1個貼紙。我初時以為佢講笑，點知原來帶咗有着數，早知就帶啦!! 不過都有人好聽話帶咗，所以可以未答問題先有貼紙。之前派嘅price list就大派用場，就係俾Iris將啲貼紙貼上去!! 其實Janny問嘅問題主要環繞佢剛才介紹嘅嘢，所以只要有聽書就唔難答，難就難在要舉手舉得快。因為有啲人係有備而來，同埋好有心搵Janny租衫，所以佢地好落力同好快舉手，話咁快就攞咗10幾個貼紙。好在Janny都好公平，有啲問題係皆大歡喜大部分人都有貼紙，同埋佢都會俾啲機會其他人答問題。最後，我地都攞咗7個貼紙
完咗問答環節已經10點幾、11點，Janny話有興趣join package嘅可以話俾佢知，約first fitting時間同埋俾錢。因為discount只係presentation當日有效，我問Mr. Ha覺得點樣。其實我覺得啲衫好靚，難得搵到一間啲婚紗同埋晚裝都好睇嘅舖頭，不過價錢就貴啲!! Mr. Ha好好呀，佢見我鍾意，就話join package囉!! 我地打算伴娘裙、媽咪/奶奶衫都係喺度租，唔使煩嘛!!! 哈哈，我地就跟住同Janny約first fitting時間，然後搵Iris過數。因為我份工3、4月好忙，於是就提前2月10日first fitting。好嘢，終於又攪掂多一樣嘢嘞!!
No comments:
Post a Comment