請帖 III

新婚印象本來話要5月中才有帖，但4月尾佢地就打o黎話啲帖已經印好，可以攞得。咁快?? Mr. Ha話可能我地係印standard帖，相比自己設計的請帖簡單得多，所以可以快啲有得攞。

去到舖頭，即刻攞啲帖睇吓有無印錯。因為我地有兩個稿：觀禮+請飲&請飲only，所以睇吓兩個有無印錯。內容雖然無錯，但係用咗牛油紙印，吓....... 個sales姐姐話：係喎，你地改咗唔要牛油紙，咁要再印過嘞。吓again....... 咁咪好唔環保囉!! 我原意想環保啲（雖然印帖已經唔環保），所以唔要牛油紙，但再印過的話，咪超級唔環保囉!!! 唉，雖然有少少瑕疵，但都收貨啦!!