請帖 II

新婚印象都好快，如期email個稿俾我地對。初步對過都無問題，於是send俾Mr. Ha，等佢可以print番過exact size，再俾三位話事人過目。為咗讓佢地容易比較，我每次都要拎住一袋朋友嘅請帖和御苑嘅sample帖俾佢地睇。呢個方法真係好有用，起碼唔使佢地visualize請帖最後完成的模樣。所以，我同Mr. Ha可以好快就confirm新婚印象，同埋交埋尾數。

當初諗住要牛油紙印，但覺得無謂要多一張紙（環保嘛!!），於是同sales姐姐講唔要牛油紙。佢話無問題，仲可以平啲添!! 雖然佢地會幫我地將牛油紙「涉」埋落帖，同埋負責「箍」埋條金色橡筋（因我知道有舖頭係唔包做呢啲，要自己做），但我覺得less is more。之前都有同三位話事人講過呢個idea（當然又拎啲有用牛油紙嘅舊帖俾佢地睇啦），幸好佢地個個都buy。