請帖 I

之前都去過幾次wedding expo，見啲帖嘅款式好多，自己設計又可以。不過，我同Mr. Ha都有共識，就係唔打算喺請帖上花太多錢。因為我自己收到別人的請帖時，靚的我會keep一段時間，standard的過咗朋友的婚期後就會送進垃圾筒。其實，姑勿論靚與否，最後的命運都係一樣........ 當然，我都明白靚的請帖可讓婚禮更完美，DIY請帖可讓自己有一個深刻的回憶；但對於我這個懶人來說，唔會做DIY了

訂御苑時，知道佢地有standard請帖。4月頭時上去問勞小姐攞咗張帖和信封嘅sample，以便拿回家讓Mr. Ha的父母和我的米米睇。

幸好，三位話事人都覺得張standard帖外貌不錯，亦覺得無須花太多錢在請帖上。為咗可以快啲得到三位話事人的決定，我同Mr. Ha將之前留下的朋友請帖給他們看。有實物比較的話，佢地就可以容易啲做決定。我地覺得話事人有份派帖請親朋戚友o黎飲，搵佢地俾意見都應該。

就係咁我地可以去搵新婚印象做帖。因為之前喺forum睇見唔少做帖的麻煩事，我同Mr. Ha覺得都係早啲印帖穩陣啲，起碼有time allowance俾佢delay嘛!! 可能我地用standard帖，所以過程簡單，揀好字體、字體顏色（玫瑰金）後就等一星期後對稿。