今日下晝同埋米米、Mr. Ha去Janny嘅design house第一次試身和揀衫。
Janny每日只會有兩個時間（4:00和8:00）試身揀衫，而且每個時間只個安排一pair客人，所以可以慢慢試衫。今次我地去另一層試衫，一開始Janny就問我想試邊一件婚紗，我即刻攞返上次睇presentation抄低嘅list，話俾Janny知我想試咩衫。哈哈，我第一件想試就係「英國公主系列」300粒水晶（唔記得第幾代）嗰件婚紗。除咗呢件之外，Janny亦會就我嘅身型叫我試吓其他婚紗。不過，Mr. Ha、米米同埋我自己都係覺得300粒水晶靚啲，可能先入為主啩??
試完婚紗，跟住我就試晚裝。我試咗好多件，連自己覺得着上身唔靚嘅紅色、綠色都試，出黎嘅效果原來又得喎!! 就咁我就初步confirm咗我嘅衫嘞
可能米米喺度，所以Janny都有俾佢睇啲媽咪衫，米米睇完都覺得唔錯。因為今日主要係我試衫，所以無安排俾米米試。Janny話可以留番second fitting時才試，不過佢有mark低米米同埋Mr. Ha嘅尺寸。試完衫都天黑了，我地同Janny約埋6月尾second fitting，到時我、米米同埋伴娘會去試衫，哈哈哈~~~
No comments:
Post a Comment